За МАП

Здружението на преработувачи на Овошје и Зеленчук МАП се формира во Март, 2002.

Здружението нема политички карактер, е непрофитно и е регистрирано во согласност со законот за здруженија на граѓани и фондации на Р. Македонија.

Активности

Здружението своите услуги и активности ги насочува со цел да одговори на барањата на своите членови:

• Заедничка набавка на суровини со цел да се добие поконкурентен финален производ

• Земање учество на сите средби на кои се дискутира за преработувачките капацитети во РМ

• Создавање на услови за заеднички извоз на своите членови со цел да се одговори на големи нарачки од странски купувачи

• Координација околу усвојување на HACCP и ISO стандардите

• Дистрибуција на информации околу новите трендови, регулативите на ЕУ и останатите целни пазари

• Остварување на редовна комуникација со земјодел-ците и земјоделските здруженија со цел да се подигне постоечкото ниво на соработка преку процес на заедничко планирање

• Координирање на соработката со домашни јавни и приватни институции, деловни субјекти и странски проекти активни во РМ

• Воспоставување на соработка со странски институции и здруженија од сличен карактер

Членство

• Од отворен карактер

• За поединци и организации кои се активни во облас-та на преработувачката индустрија

Цели и задачи

Основната цел на МАП е да ја развива преработувачката индустрија на овошје и зеленчук, да го зголеми својот придонес во севкупниот економски развој и да го зголеми вработувањето во РМ.

Задачите на здружението се состојат во:

• Зголемување на конкурентноста на македонските преработки од овошје и зеленчук

• Зголемување на квалитетот на производите и воведување на знак за квалитет

• Засилување на потенцијалот на своите членови за настап на странски пазари

• Информирање на своите членови за новите пазарни трендови

• Координирање на активности за заедничко изложување и посета на саеми

• Лобирање насочено кон интересите на преработувачите на овошје и зеленчук

• Обезбедување на дополнителна обука за своите членови